Gru Po Dharma nao tuei Muk Kei
ꨈꨴꨭ ꨛꨯꨮ ꨗꨯꨱ ꨓꨶꨬ ꨟꨭꩀ ꨆꨬ
Prof. Dr. Po Dharma (Gru Po) ndih di apuei (pajieng) di thun 1945 pak palei Baoh Dana (Panrang – Panduranga).
ꨴꨈꨭ ꨛꨯꨮ ꨙꨪꩍ ꨕꨫ ꨀꨚꨶꨬ (ꨚꨎꨳꨮꩂ) ꨕꨫ ꨔꨭꩆ ꩑꩙꩔꩕ ꨚꩀ ꨚꨤꨬ ꨝꨯꨱꩍ ꨕꨗ ( ꨚꨴꨗꩃ - ꨚꩃꨕꨭꨣꩃꨈ)꩞
Thun 1968, Gru Po klak nagar Vietnam, pieh nao tuei ngap Ikan Kuak (Fulro) pak nagar Kur.
ꨔꨭꩆ ꩑꩙꩖꩘꩝ ꨴꨈꨭ ꨛꨯꨮ ꨆꨵꩀ ꨗꨈꩉ Vietnam, ꨚꨳꨮꩍ ꨗꨯꨱ ꨓꨶꨬ ꨊꩇ ꨁꨆꩆ ꨆꨶꩀ (Fulro) ꨚꩀ ꨗꨈꩉ ꨆꨭꩉ ꩞
Thun 1972, Gru Po hu nao Pareng bac di Sorbonne Univesiti-Paris saong mak hu PhD, di thun 1986.
ꨔꨭꩆ ꩑꩙꩗꩒ ꩝ ꨴꨈꨭ ꨛꨯꨮ ꨨꨭ ꨗꨯꨱ ꨚꨣꨮꩃ ꨝꩄ ꨕꨫ Sorbonne Univesiti-Paris ꨧꨯꨱꩃ ꨟꩀ ꨨꨭ PhD꩝ ꨕꨫ ꨔꨭꩆ ꩑꩙꩘꩖ ꩞
Bac blaoh PhD, Gru Po hu ngap gruk di EFEO (Pareng) tel harei ini.
ꨝꩄ ꨝꨵꨯꨱꩍ PhD, ꨴꨈꨭ ꨛꨯꨮ ꨨꨭ ꨊꩇ ꨴꨈꨭꩀ ꨕꨫ EFEO (ꨚꨣꨮꩃ ) ꨓꨮꩊ ꨨꨣꨬ ꨁꨗꨫ ꩞
Thun 2018, Gru Po mang rabuh ruak pa-ndik takuai (cancer).
ꨔꨭꩆ ꩒꩐꩑꩘꩝ ꨈꨴꨭ ꨛꨯꨮ ꨟꩃ ꨣꨝꨭꩍ ꨣꨶꩀ ꨚꨙꨪꩀ ꨓꨆꨶꨰ ꩞
Tapa 6 bulan manyum jru saong salih takan tarakaong baruw, Gru Po mang mboh siam, galac wek kheng kadeng. Min kayua ruak trak, Gru Po truh luai yawa di thun Pabuei Jim, bulan ꩒, harei 22, tuk 3 malam (22/2/2019, Pari).
ꨓꨚ ꩖ ꨝꨭꨤꩆ ꨟꨐꨭꩌ ꨎꨴꨭ ꨧꨯꨱꩃ ꨧꨤꨪꩍ ꨓꨆꩆ ꨓꨣꨆꨯꨱꩃ ꨝꨣꨭꨥ꩝ ꨈꨴꨭ ꨛꨯꨮ ꨟꩃ ꨡꨯꩍ ꨧꨳꩌ꩝ ꨈꨤꩄ ꨥꨮꩀ ꨇꨮꩃ ꨆꨕꨮꩃ ꩞ ꨟꨪꩆ ꨆꨢꨶ ꨣꨶꩀ ꨓꨴꩀ꩝ ꨈꨴꨭ ꨛꨯꨮ ꨓꨴꨭꩍ ꨤꨶꨰ ꨢꨥ ꨕꨫ ꨔꨭꩆ ꨚꨝꨶꨬ ꨎꨪꩌ꩝ ꨝꨭꨤꩆ ꩒꩝ ꨨꨣꨬ ꩒꩒꩝ ꨓꨭꩀ ꩓ (22/2/2019, Pari).
